Ученики на Учителя.com


Конспект урока "Отбасы - өмірдің мәні" 1 класс

Тақырыбы: «Отбасы – өмірдің мәні»
Мақсаты: Оқушылардың отбасы, адамның отбасындағы алатын орны туралы түсінік беру,
оқушылардың ойлау дағдысын қалыптастыру. Жүйелі сөйлеуге үйрету. Балаларды сыйластыққа,
мейірімділікке, татулыққа, қамқорлыққа тәрбиелеу
Әдісі: сұрақ-жауап, баяндау, сөзжұмбақ, тірек сызба, топтастыру стратегиясы,
Пәнаралық байланыс: музыка пәні, өмірмен байланыс
Көрнекілігі: отбасы мүшелерінің суреттері, ноутбук
Барысы: І. Кіріспе /мұғалім сөзі/
- Адамға өмірде ең қымбаты – отбасы. Отбасында сүйіспеншілік, сыйластық, татулық,
бауырмалдық болғанда бірлік болады. Бір-бірін аялап, кешіре, түсіне білгенде отбасы берік
болады.
ІІ. Негізгі бөлім.
а) «Тіл дамыту, ой дамыту»
➢ Компьютер арқылы отбасына байланысты сурет көрсетіп, жаңа сабақтың тақырыбын ашу
➢ «Отбасы» сөзін топтастыру
сүйіспеншілікті сезінуге үйретеді
жақсылыққа жетелейді
ОТБАСЫ
еңбектенуге, білім алуға көмектеседі
үлкендерді құрметтеуге, кішілерге қамқор болуға тәрбиелейді
ә) Суреттермен жұмыс
Сұрақ-жауап әдісі. «Ойланбай жауап бер»
Компьютер арқылы отбасына байланысты суреттер көрсетіп, оқушыларды сөйлету.
1. Өз отбасыңда кімдер барын айт.
2. Ата-анаңнан басқа үлкендер болса, олардың кімдер екенін айт.
3. Отбасыңа сенің қандай көмегің бар?
б) Ойын «Менің отбасым»
- Төрге кімді отырғызар едіңдер?
- Есік жаққа кім отырады?
- Қонақ келсе қайда отырады? –деген сұрақтар қоя отырып, әңгіме құрастыру.
в) Елестету /баяу музыка жүріп тұрады/
Бір сәт көзімізді жұмып, әрқайсымыз өз отбасымызды көз алдымызға елестетейік. Енді
әрқайсымыз өз отбасымыздағы адамдарға жақсы тілегімізді іштей айтайық. Сәл
тыныштықтан соң, көзімізді ашайық.
- Отбасыларыңды елестеткен сәтте қандай жағдайда болдыңдар?
- Оларға қандай жақсы тілек тіледіңдер?
- Үйлеріңе барғыларың келе ме?
- Кімді сағындыңдар?
ІІІ. Қорытынды. «Жүрек жылуы » шеңбері
(Оқушыларға жұлдызшалар тарату. Жұлдызшалардың түр-түсін түсіндіру)
Атасын жақсы көретіндер – қоңыр, әжесін жақсы көретіндер – сары,
әкесін жақсы көретіндер – жасыл, анасын жақсы көретіндер – қызғылт,
ағасын, інісін жақсы көретіндер – көк, апасын, қарындасын жақсы көретіндер – қызыл
жұлдызшаларды алыңдар.
Олай болса «Біз бәріңізді жақсы көреміз. Отбасымыз аман болсын!» деген тілек айтайық.
(Оқушылар тілек айтып, жұлдызшалардан шашу шашады)
Скачать материал

Начальная школа - еще материалы к урокам: