Конспект урока "Өнерлі бала сүйкімді" 3 класс
Өнерлі бала сүйкімді
Сабақтың мақсаты:
Балалардың “ өнер” ұғымының құндылық ретіндегі мәнін ашу.
Сабақтың міндеттері:
• өнердің адам өміріндегі маңыздылығын түсіндіру:
• өнерге қызығушылықтарын, сүйіспеншіліктерін арттыру:
• өнерпаздыққа, өнерлі,сұлулықты сүюге тәрбиелеу.
Құндылық: Дұрыс әрекет.
Қасиеттер: адалдық, табандылық, еңбексүйгіштік.
Сабақ барысы:
Ұйымдастыру кезеңі ( сәлемдесу,түгелдеу,топқа бөлу).
Көрнекі құралдар :буклеттер, оқулық дәптер.
Тыныштық сәті.
Нұрға бөлеу
Ыңғайланып отырыңыздар, денелеріңізді түзу ұстаңыздар. Аяқ – қолыңызды
айқастырмаңыз. Қолыңызды тізеңізге немесе үстелге қоюға болады.Көздеріңізді
жұмуларыңызды өтінемін.
Елестетіп көріңіз:Күн нұрлы сіздің төбеңізден өтіп, кеудеңізге қарай бойлап барады.
Кеудеңіздің орта тұсында гүл түйнегі орналасқан. Гүлдің түйнегі орналасқан. Гүлдің
түйнегі нұрдан баяу ашылып келеді. Балғын және таза әсем гүл сіздің әр ойыңызды,әр
сезіміңізді, эмоцияныз бен тілек- қалауыңызды шайып, жүрегіңіздін қауызын ашты.
Нұр сәулесі бойыңызға ақырын тарай бастағанын елестетіңіз.Ол біртіндеп күшейе
түсуде.Оймен осы нұрды қолдарыңызға түсіріңіз.Сіздің қолдарыңыз нұрға бөленіп, сәуле
шашуда.Қолымыз тек жақсы,ізгі істер істейді және баршаға көмектеседі.Нұр
аяқтарыңызға тарады.Аяқтарыңыз нұр сәулесін шашуда.Олар сізді тек жақсылық жасау
үшін жақсы жерлерге апарады.Олар нұр мен махаббат құралына айналады.Нұр бірте -
бірте қарқын және шұғылана бастайды, сіздің денеңізден шығып, жан- жағыңызға сәуле
шашады. Осы нұрды туысқандарыңызға,мұғалімдеріңізге,достарыңызға,таныстарыңызға
бағыттаңыз .Енді осы Нұрды жүрегіңізге орналастырыңыз.Нұрға толы бүкіл әлем сіздің
жүрегіңізде.Оны осындай әсем қалыпта саққтаңыз.
Жаймен көзіңізді ашуға болады.Рахмет.
Үй тапсырмасын тексеру
Мәтіндегі Д.Әлімжановтың ”Өмір таны ,өнер қу” өлеңін жатқа оқу.
Мәтіндегі өлең бойынша пікір алмасу сұрақтары:
.”Өнерлі өрге жүзер” дгенді қалай түсінесіндер?
.Адам өнерді не үшін үйренеді?
Балалардың жауаптары тындалады.
Тапсырма
Әр топқа тапсырма беру.
Төмендегі К. Сегізбайдың”Құмға салған сурет “шығармасын оқып, мазмұнына назар
аударып, сұрақтарға жауап беріңдер.
Құмға салған сурет
Әке - шешеден ерте айрылған Әбілхан тіршіліктің тауқыметін көп тартты. Қой соңында
күндер өтті.Жұрттың бласы хаттанып,сабақ оқығанда, мұның қолынан бар келгені-
күймен тас бетіне немесе сұқ саусағымен құмға сурет салу. Болмаса қашу, пышағын ала
жүріп, тас пен ағаштан мүсін жасау.
“Балам,әкең Қастей марқұм үндемей қой соңынан ергенді ғана білетін момын кісі
еді.Мынауың біз білмеген өнер екен”- деді, бір күні Әбілханның ағаштан жасаған
мүсіндерін көргенде Түргенбай дейтін қарт ұста.
Өнерді өнерге бастыру үшін өмірді тану керек.Білімсіз адамның өрісі тар, құлашы –
қысқа, сурет салуға талабың бар екен. Оқуың керек шығар, бала, - деген еді бірде ол. Осы
сөз онның алдынан бақыт шырағы болып жылытады. Бірақ жұрт қатарлы оқуға күш қайда
? Әр бір әріпті әркімнен сұрап,онысын құм бетіне жазып жүріп – ақ бірер жазда
жазып,оқуды меңгерді.Ол үшін жаңа өмірдің есігі ашылды.Білсем,үйренсем деген
құштарлық барған сайын арта түсті.Ақыры ол бір кеште өгізге жайдақ мініп,Сағымбек
картқа тартты.Елге аты шыққан шежіре карт жөн нұсқар деп ойланды.
-Ұланым,тай сұрай келдің бе,тон сұрай келдің бе ? – деді шежіре амандықтан соң.
-Ата,жөн сұрай келдім.Оқысам,білсем деген талабым бар,бірақ жоқшылық жібермейді.Не
істесем болады ?-деді Әбілхан.Шежіре қарт бір сәт сақалын саусағымен саралап, ойға
батты.
-Япырым-ау,осынша жасқа келгенше,мұндай сауалмен алыстан келген баланы көрмеп
едім.Шешінші өзің,-деді бір кезде.Көп ұзамай- ақ жас Әбілхан шежіренің ақылымен және
берген азын-аулақ қаражатымен ауылдан Жаркентке келді.Бір сыныптық білімі жоқ
суретшінің өмір жолы осылай басталды..Талай-талай кедергілерге жолықты.Ата-баба
айналысып көрмеген өнерге жол табу оңай болған жоқ.Сонау 1929 жылдары өнер
іздеп,Алматыға келгенде де,хат танудан әрі білімі жоқ жігітке оқу табыла қоймады.Тек
атақты суретші Николай Гаврилович Худов өнер үйренуге талпынған бірінші қазақ жігітін
қуана қарсы алды.Сол бала Әбілханның қазақтың сурет өнерінің ең басында тұрып,атақты
суретші Әбілхан Қастеев атанарын ешкім әлі білмеген еді.Құмға сурет салудан басталған
балалық талап үлкен өнерге осылайша жол салды.
Талқылау сұрақтары :
Әбілханның өнерге құштарлығы қалай көрінді?
Әбілхан Қастеевтің атақты суретші болуына кімдер көмектесті?
Өз өнерлеріңді қалай шыңдап жүрсіңдер?
Суреттерге қарап әңгімелеңдер.Өз өнерлерің туралы айтып беріңдер.
Дәйексөз
«Адамның сәні – өнер,білім,ақылы »
Халық мақалы
Дәптермен жұмыс
Дәптерде берілген ребусты дұрыс шешіңдер,өнер туралы халық даналығын оқи аласыңдар
және оның мәнін түсіндіріңдер.
Шешуі : «Өнерлі бала сүкімді»
Үйге тапсырма
Мәтіндегі Қ.Қайымжановтың «Ақын деген кім ?»әңгімесін оқып келу.Ө.Тұрманжановтың
«Бәрі жақсы өнердің » өленің жаттап келіңдер.
Соңғы тыныштық сәті
Балалар,бүгінгі сабақтан алған жақсы қасиеттерді бойларыңа сіңіріп алыңдар.
Сабаққа қатысқандарыңа рахмет.
