Конспект урока "Натураль саннарны юллап һәм язып тапкырлау"

Тема: Натураль саннарны юллап һәм язып тапкырлау
Автор: Валеева Танзиля Муллахметовна
Учитель математики
МБОУ “Гимназия №4” г. Казани
Максат:1)Мисаллар чишкәндә тапкырлауның 3 законын (урын алыштыру,
оештыру, таркату) кулланырга өйрәтү. Разряд берәмлегенә тапкырлауны һәм
язып тапкырлауны ныгыту .
2) Хәрәкәткә мәсьәләләр чишүне булдыру .
3)Мөстәкыйльлек һәм дусларга карата ихтирамлык тәрбияләү.
Җиһаз: поезд рәсеме; тукталыш, вагон исемнәре язылган плакатлар;
мисаллар һәм мәсьәләләр язылган карточкалар.
Дәрес барышы
1. Оештыру өлеше.
-Исәнмесез! Утырыгыз.
-Дәрестә кемнәр катнашмый ?
-Өй эшен тикшерү.
2.Кабатлау өлеше.
1)Әйдәгез узган дәрес материалын кабатлап китик. Без сезнең белән
тапкырлауның 3 законын: урын алыштыру, оештыру, таркату законнарын
өйрәндек. Шушы 3 законны формула ярдәмендә тактага язырга кирәк (3
укучы тактада яза).
Тапкырлауның 3 законын кулланып тактада язылган мисалларны телдән
чишәргә кирәк.
600 × 8= 23 × 10 × 2=
5 × 103= 4 × 7 × 5=
100 × 470= 5 × (6 + 8)=
92 × 1000= 6 × (20 - 1)=
5 × 6а= 2 × ( х + 3)=
2)Тагын узган дәрестә без сезнең белән хәрәкәткә мәсьәләләр чиштек.
S,V ,t табу формулаларын искә төшереп үтик әле(тактада язу).
Балалар, без бүген сезнең белән “математик поездда” сәяхәткә чыгарбыз.
Бу сәяхәт вакытында сез өйрәнгән төр мисаллар һәм хәрәкәткә мәсьәләләр
чишәрсез.
Поездга утыруның кайбер кагыйдәләрен искәртеп китим. Кабинетны
кассалар залы дип күз алдына китерегез. Поездга утыру өчен билет кирәк.
Ә ничек билет алырга? Сезгә мин карточкалар бирәм , поезд килеп
җиткәнче сез карточкадагы мисалларны чишеп, “Белешмәләр үзәге” дә
тикшертеп , мисал саны буенча жетон алырга тиешсез.
-Кем 4 яки аннан күп ала, ул “йомшак вагонга” утыра
-3 жетон-купейный
-2 жетон-плацкартный
3. Белем һәм күнекмәләр булдыру.
1. Карточкалар белән эш. Билетлар алу.
а) “Игътибар! Игътибар! Тиз йөрешле математик поезды 1 юлга килеп
җитә. Билетларны алып калырга тырышыгыз!”
б) “Игътибар! Игътибар! Тиз йөрешле математик поезды 1 юлга килеп
туктады. Урыннарыгызны алырга тырышыгыз. Тору вакыты 2 минут”.
Укучылар урыннарын алыштыралар,ягъни вагоннарга утыралар.
Проводница кытучы) билетлар тикшерә.
в) “Игътибар! Игътибар! Тиз йөрешле математик поезды 1 юлдан китә.
Барыгызга да хәерле юл! Уңышлар сезгә!”
2. “Мәсьәләләр аланлыгы” тукталышы.
а) “Игътибар! Игътибар! Тиз йөрешле математик поезды “Мәсьәләләр
аланлыгы” тукталышына килеп җитә. Тору вакыты 10 минут.
Контролерлардан мәсьәләләрне тикшереп жетоннар алу.
б) Игътибар! Игътибар! Тиз йөрешле математик поезды кузгалып китә.
Урыннарыгызны алырга тырышыгыз!”
3. “Уен” тукталышы. Физкультминут.
Без әле бераз ардык,
Ял итәргә уйладык:
Башны иябез алга,
Ә аннары – артка.
Уңга- сулга борабыз,
Аннан карап торабыз.
Иң өстен сикертәбез,
Кулларны биетәбез.
Бер алга, бер артка сузып
Күңелле ял итәбез.
4. “Законнар урманы” тукталышы.
“Игътибар! Игътибар! Тиз йөрешле математик поезды “законнар урманы”
тукталышына килеп җитә. Тору вакыты 5 минут”.
Контролердан тикшереп , жетоннар алу.
5. “Бүләкләү” тукталышы.
“Игътибар! Игътибар! Тиз йөрешле математик поезды иң соңгы тукталышка
“Бүләкләү” тукталышына килеп җитте”.
10 жетон - “5”ле
9-8 жетон - “4”ле
7-6 жетон - “3”ле
4.Дәрескә йомгак.
-дәрестә нишләдек?
-мисалларны нинди законнарга таянып чиштек?
-бүгенге дәрестә өйрәнгән кайсы темаларны кабатлап үттек.
5.Өй эше бирү.
Карточкалар:
1)баганалап тапкырлау:
712 × 37= 805×409
2)48m + 12m - 25m аңлатмасын гадиләштер һәм m=12 булганда аның
кыйммәтен исәплә.
3) Аңлатманың кыйммәтен тап:
(593 379) ×41 + 25 × 41