Конспект урока "И. Нүсіпбаев “Біздің Отан”" 5 класс


Арал қалалық Т.Г.Шевченко атындағы №13орта мектеп
И.Нүсіпбаев “Біздің Отан”
(Сыныптан тыс жұмыс)
Үйірме жетекшісі:Қосымбаева Жұмагүл
2014-2015 оқу жылы
Сабақтың тақырыбы: И. Нүсіпбаев « Біздің Отан »
Сабақтың мақсаты: 1.Білімділік: балалар сазгері И.Нүсіпбаевтың өмірі мен шығармашылығы туралы мағлұмат беру.
2.Тәрбиелік: оқушыларға эстетикалық тәрбие беру,өнерге құштарлығын арттыру.
3.Дамытушылық: әннің сөзін,әуенін анық,дұрыс айтуға дағдыландыру.Әнді вокальды етіп айтуға қалыптастыру.
Сабақтың түрі: Теориялық – практикалық.
Сабақтың әдісі: Топтау, шығармашылық ,СТО стратегиялары.
Пәнарлық байланыс: Бейнелеу,қазақ тілі,дене тәрбиесі,тарих.
Көрнекіліктері:Интерактивтітақта,баян,музыкалық дискет,сазгердің суреті,әннің сөзі.
Сабақ барысы:
Ибрагим Нүсіпбаев Жетісудың Ақтау бөктеріндегі қазіргі Еңбекшіқазақ ауданы, Көктөбе аулында 1922 жылы
өмірге келген. Ол бала кезінен халық әндері мен күйлерінің саздарына бөленіп өсті. Композитордың өмірі содан
бастап балалар арасында өтті.
Ибрагим Нүсіпбаев балалар сүйіп айтатын « Дос болайық бәріміз», «Мұғалім-ол біздің», «Туған жер»,
«Ойыншықтар», « Менің өлкем», тағы басқа көптеген әндер шығарған.
Ибрагим Нүсіпбаевтың бүгін біз «Біздің Отан» әнін үйренеміз. Үйренбес бұрын әннің ноталық текстіне талдау
жасайық.
Әннің сөзін жазған М.Қуанышбаев. Ән көңілді орындалады.Ән екі де төрт өлшемінде жазылған.Ән
орындалуында қиындық тудыратын жерлері кездеспейді, себебі әннің орындалуы өте жеңіл, әуені есте тез
сақталады. Ән ре минор тональділігінде жазылған. Әнде пиано, форте деген динамикалық белгілер кездеседі.
И.Нүсіпбаевтың «Біздің Отан» әнін үйрете отырып,балаларды елжандылыққа тәрбиелеп, патриоттық сезімін
қалыптастыруға болады.
Біздің Отан
Сөзін жазған: М.Қуанышбаев
Әнін жазған: И . Нүсіпбаев.
1.Отан-таңның арайы,
Күн нұрынан тараған.
Отан-бақыт сарайы,
Ел қызығып қараған.
Қайырмасы:
Ән сыйлаған жер-көктен,
Отан біздің жыр-көктем.
Отан бізді тербеткен,
Отанымда ержеткем.
2. Отан тымық түндегі,
Өшпес жарық жұлдыздар.
Отан әрбір үйдегі,
Шат көңілді ұл-қыздар.
Қайырмасы:
3. Отан-бұлақ таусылмас,
Таудан аққан мөп-мөлдір.
Отан-биік таусындас,
Көкке жеткен көк сеңгір.
Қайырмасы: